ᐃᔪᒋᒪᑲᓂᒡ ᑲᒥᓯᓇᑕᐅᑎᓱᓇᓄᒡ • Councillor Elections
ᒥᒄ ᐊᓯᓇᑯᔅᑕ ᓇᔅᑲᐱ ᐊᑎᓯᓇᑕᐛᑲᓄᑦ ᒪᔭᑲᓄᑦ ᒐᒋ ᐊᑕᑦ ᐊᓐᑕ ᐃᔪᒋᒪᑲᓂᒡ ᐸᑐᔅ ᐊᑲ
• ᐊᑲ ᓄᓴᒻ ᐊᓐᑕ ᐅᒋᐃᑎᓇᓄᒡ ᐊᓐᑕ ᒪᓯᓇᑕᐅᑎᓱᓇᓄᐃᒡ ᐊᓐᑕ ᓂᓱᐳᓇ ᐊᐛᓐ ᑲᒋᒥᔭᑲᓄᑦ᙮
• ᑲᐅᑎᓇᑲᓄᑦ ᒐᒋ ᓂᑲᓄᔅᑲᒃ ᒪᓯᓇᑕᐅᑎᓱᓇᓄᐃᒡ ᑭᔭ ᐛᔅᑕᔅᑯᐛᑦ ᓇᑲᓄᔅᑲᒥᒋ ᐊᑐᔅᑲᔅᑎᒥᒋ
ᒪᓯᓇᑕᐅᑎᓱᓇᓄᐃᒡ ᑭᔭ ᒪᑲ ᐛᒍᐛᐎᒐᑦ ᐊᓂᔭ ᐊᐛᐃᐛ ᐊᑐᔅᑲᔅᑎᒥᒋ ᒪᓯᓇᑕᐅᑎᓱᓇᓄᐃᒡ᙮
• ᐊᑲᒥᓯᓇᐃᒐᓯᐅᑦ ᐊᓐᑕ ᐃᔪᒋᒪᑲᓇ᙮
• ᑲᑎᐸᔅᑯᒐᑦ ᑭᔭ ᒪᑲ ᑲᐱᑎᔅᑕᐃᒐᑦ ᐊᑕᐱᑎᓯᑦ᙮
• ᐊᒪᑯᓇᑲᓄᑦ ᐊᓂᔭ ᒋᓯᑯᔪᐤ ᑲᒥᓯᓇᑕᐅᑎᓱᓇᓄᐃᒡ᙮
• ᐛᒋᑦ ᐊᓐᑕ ᒪᑎᒪᑯᔅ ᐃᔪᔅᒋᒡ᙮ (CNQA Sect. 78 / ᒋᒥᔅ ᐱ ᑭᔭ ᓇᔅᑲᐱ ᐎᓱᐛᐅᓐ ᐊᑭᔅᑭᑎᑕᒡ 78)
ᐊᓐ ᑲᐃᔅ ᒥᓯᓇᑕᐅᑎᓱᓇᓄᐃᒡ ᐃᔪᒋᒪᑲᓐ ᒋᑲᒋᒪᓯᑲᑲᓄᐤ ᐊᔅᑯ ᐊᑲ ᐱᑕᑕᒡ ᒋᓯᑲᐛ ᐊᐎᒪᐱᐃᒡ ᑭᔭ ᒐᒋ ᒥᓯᓇᐃᒐᓄᒡ ᑭᔭ ᒪᑲ ᐱᑕᑕᒡᑐᑕᓴᑉ ᐊᐛᓐᒋ ᒐᒋ ᐎᑕᑎᓯᒡ ᒐᒋ ᒥᓯᓇᑕᐅᑎᓱᒡ ᐊᓂᔭ ᒥᓯᓇᐃᑭᓂᔪᐤ ᒐᒋ ᐱᔅᑎᓂᒧᐛᒡ ᐊᓂᔭ ᐊᑐᔅᑲᔅᑎᒥᒋ ᒪᓯᓇᑕᐅᑎᓱᓇᓄᐃᒡ ᑭᔭ ᒥᔅᑯᒡ ᒐᒋ ᓇᑲᑐᐛᐸᑕᑲᓄᒡ ᐊᓇ ᒋᒥᔅ ᐱ ᑭᔭ ᓇᔅᑲᐱ [ᐅᑕ ᑯᐸᒃ] ᓂᔅᑯᒧᐅᓐ ᐊᑭᔅᑭᑎᔅᑕᒡ 78᙮ ᒥᔅᑯᒡ ᐊᐛᓐ ᓴᔅ ᑲᒋᐱᒐᑦ ᐊᓐᑕ ᐃᔪᒋᒪᑲᓂᒡ ᒐᐱᔅᑕᒃ ᐅᑎᐳᐅᓐ ᐸᑐᔅ ᐊᓇ ᑲᑎᐸᔅᑯᓐᒐᑦ ᐱᔅᑕᓇᒐ ᑕᐊᓐ ᒐᐃᔅ ᐱᒧᑕᓄᐃᒡ᙮
back to top
ᒥᓄᐛᒡ ᒐᒥᓯᓇᑕᐃᑲᓄᒡ : ᐃᔅᑯᐱᐃᒐ ᐊᐳᐅᓐ᙮ • Councillor Position Vacancies
ᐊᓐᑕ ᐃᔪᒋᒪᑲᓂᒡ ᐊᑲ ᐱᔅᑕᑲᓄᒡ ᐊᐳᓐ ᐸᑐᔅ ᐅᒪ ᒐᒂᓐ ᐃᓯᓇᒂᒐ:
• ᐊᑲ ᓄᓴᒻ ᐊᐃᑎᓇᓄᒡ ᐊᓐᑕ ᒪᓯᓇᑕᐅᑎᓱᓇᓄᒡ
• ᓂᐱᑦ ᑭᔭ ᒪᑲ ᒥᓯᓇᒧᐛᑦ ᐃᔪᒋᒪᑲᓇ ᐊᐳᓂᑦ ᑭᔭ ᒪᑲ ᓂᑲᑕᒃ ᐊᓂᔭ ᐅᑎᐳᐅᓐ
• ᐊᑲ ᓄᓴᒻ ᐅᒋ ᐃᑎᓇᓄᒡ ᐊᓐᑕ ᐊᐛᓐ ᒐᒥᔭᑭᓄᑦ
• ᐅᑎᓇᑲᓄᑦ ᐊᐛᓐ ᒐᒋ ᑲᒥᓯᓇᐃᒐᓯᔪᐤ ᐊᓐᑕ ᐃᔪᒋᒪᑲᓂᒡ ᑭᔭ ᓱᓇᔭᐤ ᒐᒋ ᐊᑐᔅᑲᔅᑕᒃ
• ᐅᑎᓇᑲᓄᑦ ᐊᐛᓐ ᒐᒋ ᐃᑕᐱᑎᓯᑦ ᑲᑎᐸᔅᑯᓐᒐᑦ ᑭᔭ ᒪᑲ ᑲᐱᔅᑎᑕᐃᒐᑦ ᐊᓐᑕ ᑲᐛᔅᑕᑲᓄᐃᒡ
• ᒪᑯᓇᑲᓄᐅᑦ
• ᐅᔅᑎᒂᓐ ᑐᑕᑯᑦ ᐃᓯᓇᑯᓂᒡ ᐅᑎᐳᐅᓐ ᒐᒋ ᐃᔎᐱᐃᒡ
• ᐊᐱᑕᒃ ᓇᓐᑎᒻ ᐊᓐᑕ ᐛᒋᒪᐃᒥᓇᓄᐃᒋ
• ᐊᐱᑦ ᐊᓐᑕ ᒪᑎᒪᑯᔅ ᐃᔪᔅᒋᒡ [ᒪᓯᓇᑕᐃᑲᓄᒡ ᐊᓐᑕ ᒋᒥᔅ ᐱ ᑭᔭ ᓇᔅᑲᐱ ᐎᓱᐛᐅᓂᒡ
ᐊᑭᔅᑭᑎᔅᑕᒡ 69 ᐊᑎᔅᑕᒡ]᙮
ᐃᓯᓇᑯᓂᒡ ᐃᔪᒋᒪᑲᓐ ᐊᐱᑕᑦ ᐊᑲ ᓇᐊᐃᑎᒥᒋ ᐊᓂᔭ ᐃᔪᒋᒪᑲᓇ ᓂᔅᑥᐤ ᒪᒧ ᑭᔭ ᒥᑯ ᐊᓯᓇᑯᓯᒡ ᐱᑕᑕᒡᑕᑐᓴᑉ ᐊᐛᓐᒋ ᒋᑲᒋᐸᒧᑕᐅᒡ ᒥᓯᓇᐃᑭᓂᔪᐤ ᑲᐤ ᒐᒋ ᑐᐛᐃᑕᒃ ᒐᒋ ᐅᒋᒪᐃᒥᒋ ᐃᔪᐛ ᑭᔭ ᒐᒋ ᐛᑕᐃᑕᑲᓄᒡ ᑭᔭ ᓴᔅ ᐊᑲ ᐱᔅᑕᑲᓄᒡ ᐊᐳᐅᓐ [ᒪᓯᓇᑕᐃᑲᓄᒡ ᐊᓐᑕ ᒋᒥᔅ ᐱ ᑭᔭ ᓇᔅᑲᐱ ᐎᓱᐛᐅᓂᒡ ᐊᑭᔅᑭᑎᔅᑕᒡ 69 ᐊᑎᔅᑕᒡ]᙮
back to top
ᐊᐛᐸᑎᐛᓄᒡ ᐊᓐᑕ ᐊᓯᓇᑯᓂᒡ ᐃᔪᒋᒪᑲᓐᒡ ᒐᒂᔪᐤ ᐊᑐᔅᑲᔅᑕᒡ • Council Portfolios
ᐸᐸᐃᒄ ᐃᔪᒋᒪᑲᓐᒡ ᒪᔭᑲᓄᒡ ᒐᒋ ᐊᑐᔅᑲᔅᑕᒡ ᒐᒂᔪᐤ᙮ ᐃᔪᒋᒪᑲᓐᒡ ᐊᑲ ᐃᓯᓇᑯᓂᒡ ᒐᒋ ᐛᑎᓱᑕᒡ ᒐᒂᔪᐤ ᒐᒋ ᑐᑕᑲᓄᐃᒡ ᒥᔅᑯᒡ ᒥᒄ ᒐᒋ ᓇᓇᑭᒋᑕᒡ ᑭᔭ ᒐᒋ ᐱᔅᑎᓂᒧᐛᒡ ᐃᒧᐅᓂᔪᐤ ᑯᑎᑲ ᐃᔪᒋᒪᑲᓇ᙮
ᒪᐎᔭ ᐊᓂᔭ ᒐᒂᐃᐛ ᐊᒋᑕᐸᑕᑲᓄᐃᒋ᙮
• ᒋᓴᐅᒋᒪᑲᓂᒡ
• ᐛᔅᑲ ᐊᔅᒋᔭ ᐊᒋᑕᐸᑕᑲᓄᒡ
• ᓄᑎᒻ ᐊᓐᑐᐅᓇᓄᐃᒡ ᑲᒪᒧᐎᓇᓄᐃᒡ
• ᐊᑐᔅᒐᐅᓐ ᐊᒋᒥᑕᑲᓄᒡ ᑭᔭ ᐊᔅᑯᑎᒪᑎᓱᓇᓄᒡ ᐊᑐᔅᒐᐅᓐ
• ᓇᔅᑲᐱ ᓐᑐᐅᓂᒡ
• ᔅᑯᑎᒪᑐᐅᓐ ᑭᔭ ᐊᑯᓱᐅᓐ
• ᑲᒪᑯᓄᐛᓯᒡ
• ᑎᐸᔅᑯᒐᐅᓂᒡ
• ᒋᔅᒋᑯᒡ ᒐᒂᓐ ᐊᐃᔅᐱᐃᒡ ᒐᒋ ᔭᔅᑯᐱᓇᓄᒡ
• ᐊᐛᓯᒡ ᑭᔭ ᒪᑐᐛᐅᓐ
ᐃᔪᒋᒪᑲᓐᒡ ᐊᑲ ᐃᓯᓇᑯᓂᒡ ᐎᐃᐛᐤ ᒐᒋ ᒋᒥᑕᒡ ᒐᒂᔪᐤ ᑭᔭ ᒐᒋ ᐊᔭᑎᔅᑕᒡ ᐅᑕ ᒪᓯᓇᑕᐃᑲᓄᐃᒋ ᒐᒂᐃᐛ᙮
back to top